- 2020年11月18日
- 已讀 3 分鐘

江門慢生活之識飲識食篇

已更新：2022年1月11日

上一期，我地感受左一番江門嘅僑鄉文化。逛左咁耐，肚仔都開始“抗議”，係時候一起去探尋屬於江門嘅特色美食啦！

01 新會古井燒鵝

嚟到江門點可以唔試下古井燒鵝呢？

皮脆汁美、肉香甘甜嘅古井燒鵝可以講係新會飲食嘅一張名片，名揚港澳甚至海外。其實古井燒鵝距今已經有700幾年嘅歷史，有段古咖。相傳七百幾年前，新會崖門宋元大海戰結束之後，一位南宋宮廷御厨帶著女兒逃難到銀州湖西岸仙洞村，在當地開了一家燒鵝店，憑著高超的燒鵝技術，揚名千里。後來繼承了父親高超手藝的女兒嫁到古井。古井燒鵝由此誕生並聲名遠播。

現在新會古井鎮有條燒鵝街——天成街，最出名嘅燒鵝店“橫溢”、“平香”就係裏面。

正宗新會古井燒鵝原料選取黑鬃鵝，燃料用果木，以荔枝木爲佳，蜜糖上色，放入深井狀泥爐......剛出爐的古井燒鵝皮脆、肉嫩、油香，食後齒頰留香！係味口水都流曬呢！

探店推薦

恆益燒臘

地址：江門市新會區江門大道會城茶坑村銀洲圍陳皮村987美食街(梁啟超故居對面)

恆益燒臘，古井燒鵝代言人之一，秘製獨門醬料係其必殺技，按照黃金比例，將芝麻油、醬油、砂糖、鹽、酒、蒜蓉、五香粉、新會陳皮等調料混合調配，灌入鵝肚。而且據說恒益燒鵝醬料會根據季節變化作出調整，呈現唔同嘅滋味。

02 黃沙蜆

江門市新會睦洲黃沙蜆超級出名，可以講：唔食唔得啊！睦洲，西江海口水域，河水流向大海时带起大量嘅有机质，而海水潮涨时又會涌入很多海洋浮游生物，为水产带来了丰富的营养，所以哩度嘅黃沙蜆特別肥美。

黃沙蜆好得意，唔係越大越好，中等大細最爲飽滿鮮嫩。過細太瘦，過大又太老。黃沙蜆一年裏面3-5月最佳。黃沙蜆最受歡迎噶做法就係油鹽蒸，用最簡單嘅調味品，充分吊出沙蜆嘅鮮味，時間要把握得剛好，超兩分鐘肉就會變老。出爐前，放入少量辣椒圈、蒜蓉吊味，亦都更迎合重口味嘅食客。

黃沙蜆最極緻嘅食法係卜卜蜆。盤中放入少許水、油、鹽，撒入沙蜆，開大火，盤中蜆跳躍，發出“卜卜”嘅聲音，十秒開殼，馬上夾走。此時嘅沙蜆膨脹到極點，汁液爆出，又嫩又滑又鮮！讓人食指大動！正吖！

03 臺山黃鱔飯

臺山，自古良田交錯，稻米、黃鱔隨手可得，聰明嘅臺山人將稻米、黃鱔結合，研製出江門文化名片——臺山黃鱔飯。臺山黃鱔飯嘅精髓係瓦煲。事實上黃鱔飯有好多唔同嘅流派，就五邑地區除臺山外，還有開平、恩平、新會等流派。但係從味道和做法的講究，臺山黃鱔飯一直保持了最原始和傳統的瓦煲方法，在配料上亦都根據現代都市人的口味不斷創新和改進，使臺山黃鱔飯在眾多流派中脫穎而出，成爲黃鱔飯一個品牌，成為普羅大眾追棒的廣東美食之一。

臺山黃鱔飯選材十分嚴謹，選用肉質緊實、鮮嫩嘅野生黃鱔。一般一斤鱔一斤米，一斤鱔拆出四兩肉。正宗臺山黃鱔飯，先放入調料爆炒香黃鱔肉，再放入靚米煮出嘅飯爆炒，直至入味，再放入瓦煲焗一焗，直至肉汁完全滲入米飯中，撒入葱花......米飯呈金黃色，晶瑩、甜香、軟糯；黃鱔肉鮮、嫩、脆、甜......我捻，哩道菜係稻米同黃鱔哩兩種食材擦出最完美嘅火花！