- 2020年10月14日
- 已讀 3 分鐘

江門慢生活之休閑嘆世界篇

已更新：2020年12月1日

禮拜一到五直落做野真係好大壓力好攰啊，難得嚟到周末又唔知去邊relax一下......不如，今日就隨小編去灣區嘅江門睇睇有咩好去處啦！GO！出发！

01 上川島

先嚟上川岛睇睇！上川島，又名“海上聖島”，位於臺山市西南部，東鄰港、澳地區以及珠海經濟特區，距香港87海里、澳門58海里。上川島面積157平方公里，擁有十二處總長達三十幾公里的優質海濱沙灘，逃離城市的喧囂，上川島不失爲一個極佳“都市逃离”路綫。

石灘

風車山

過上川島需要選擇輪渡，輪渡去到三洲碼頭，然後乘坐旅游專綫到達景區——飛沙灘。碧海藍天，椰林樹影，銀灘如帶，面臨浩淼的南海。一家大細清晨到飛沙灘睇日出；玩海上摩托等各種水上項目，早上還可趕上漁民歸來，等漁船靠岸，在海邊買第一手剛捕獲的海鮮；中午將買到的海鮮到飯店加工；下午玩海上摩托等水上項目，漫步海邊和石灘，體驗趕海的樂趣；晚上到沙提海港享受海鮮大餐......呢個逃離計劃心動嗎？

上川落霞

漁民歸來

海上垂釣

嚟到上川，住民宿係一個唔錯嘅選擇！走復古風嘅川郵酒店你心動嗎？呢間川郵民宿臨海，坐係露臺搖椅靜靜看潮起潮落，隨時享受海風同陽光。民宿就係飛沙灘景區内，食飯購物都超級方便，而且民俗設施非常完善，厨房、花園露臺、自動麻將、巨幕投影、兒童帳篷、網床、游戲機街機區、戶外浴缸......想hea係酒店都唔會無聊！

室外浴缸

網床

02 那琴半島

我地再嚟到江門小愛琴海——那琴半島睇睇！那琴半島位於臺山市北陡鎮浪琴灣，呢度有別墅式地址海洋公園酒店、依山傍海而建的攀岩棧道、崎嶇不平的石灘，還有希臘風情、浪漫詩意的婚紗攝影基地，好似置身希臘聖托里尼島。

沿海棧道

那琴半島別墅式海洋酒店配備非常完善，別墅依山傍水而建，足不出戶就能把碧海藍天盡收眼底。還有淡水海邊泳池，靠在泳池邊,海風拂面，凝望著眼前的大海......松曬!咩煩惱都即刻抛諸腦後！

當然，那琴半島住宿除了別墅酒店之外，還有好多價格親民Ins風民宿！

那琴半島還建有很多希臘風格嘅建築，打造成小愛琴海，成爲網紅影相打卡點。那琴半島絕對係新人朋友或者閨蜜出行影相聖地！

03 恆大泉都五國溫泉小鎮——日式湯屋

溫泉酒店好似去過好多，集體湯匙點夠私家極緻享受呢？恩平恆大泉都日式湯屋，獨棟別墅，私家湯泉，當然一共有五个舘，日本舘、泰國舘、芬蘭館、意大利舘和土耳其舘，最具特色當屬日本舘啦。日式風格裝修，衣櫃還貼心配有幾套和服、頭飾，形式感滿滿。邊浸住室外露天私家湯池，邊品嘗管家送來的下午茶，給你最尊貴的獨享時光。早上亦會提供日式早點，唔洗飛日本，係灣區就可以體驗日式湯泉！呢個在逃計劃係唔係又好吸引呢？